Nënkryetari i Komunës së Obiliqit, Berat Gashi, së bashku me pjesëtarë të tjerë të ekzekutivit komunal, mori pjesë në aktivitetin sportiv “Streetball 3×3”, të mbajtur në Sheshin “Dëshmorët e Kombit” në Obiliq.
Aktiviteti u organizua në kuadër të Javës Rinore nga Drejtoria për Kulturë, Rini dhe Sport e Komunës së Obiliqit, në bashkëpunim me Federatën e Basketbollit të Kosovës, me qëllim promovimin e sportit, aktivizimin e të rinjve dhe krijimin e më shumë mundësive për aktivitete sportive.
Turneu u zhvillua në një atmosferë sportive dhe garuese, me pjesëmarrjen e të rinjve dhe adhuruesve të basketbollit, duke promovuar frymën ekipore dhe korrektësinë sportive.
Komuna e Obiliqit falënderon të gjithë pjesëmarrësit, organizatorët dhe qytetarët që iu bashkuan këtij aktiviteti, si dhe shpreh mirënjohje të veçantë për sponsorët dhe partnerët e eventit:
Nostra Lounge Bar, Propper Pizza, Berati Tours, Luxor Restaurant, Vëllezërit Mjeku, Elektro AS Mont, EM, N’Aris, Nina’s dhe Trio Pizza.
Zyra për Informim, Obiliq.
