Sot, më 13 dhjetor 2025, në komunë u organizua Olimpiada Komunale e Matematikës me pjesëmarrjen e nxënësve nga shkollat e komunës. Olimpiada u zhvillua për nxënësit e klasave VII–XII, sipas planifikimit dhe orarit të paraparë.
Qendra e testimit ishte SHFMU “Dr. Ibrahim Rugova” në Obiliq, ndërsa transporti i nxënësve u realizua në mënyrë të organizuar nga shkollat përkatëse. Testimi u mbajt në kushte të rregullta dhe në përputhje me procedurat organizative.
Gjatë zhvillimit të Olimpiadës, drejtoresha e Arsimit, znj. Sevdie Berisha Krasniqi, vizitoi qendrën e testimit për të përcjellë nga afër procesin e organizimit dhe mbarëvajtjen e testimit.
Ky aktivitet ka për qëllim nxitjen e dijes, zhvillimin e mendimit logjik dhe promovimin e talenteve të reja në fushën e matematikës.
