Nënkryetari i Komunës së Obiliqit, Ibush Mjekiqi, së bashku me Drejtoreshën për Kulturë, Rini dhe Sport, Arba Mirena, gjatë ditës së sotme ishin prezent në takimin informues lidhur me programin “Arti në shkolla”, takim ky i organizuar nga MKRS-ja në bashkëpunim me MASHTI-në.
Në këtë takim ishin të pranishëm edhe Ministri i MKRs-së, z.Hajrullah Çeku, zv.Ministri i MASHTI-it, z.Taulant Kelmendi dhe përfaqesues nga komunat përreth.
Takimi u përcoll me prezantim të hapave të mëtutjeshëm për bashkëpunim mes komunave dhe ministrive përkatëse me qëllim të koordinimit dhe realizimit sa më të suksseshëm.
Nënkryetari Mjekiqi, në fjalën e tij shprehi gatishmërinë për realizimin e këtij programi duke theksuar se: “Komuna e Obiliqit, në vazhdimësi ka në fokus ngritjen e numrit të aktiviteteve të artit, kulturës, rinisë, sportit e rekreacionit duke përfshirë shkollat e Obiliqit, prandaj dhe ky projekt është i mirëpritur.”
