Në kuadër të Olimpiadës së Përbashkët të Gjuhës Shqipe, e cila organizohet nga Ministria e Arsimit, Shkencës, Teknologjisë dhe Inovacionit e Republikës së Kosovës dhe Ministria e Arsimit dhe Sportit e Republikës së Shqipërisë, në ambientet e Fakultetit të Edukimit sot u mbajt gara në nivel vendi.
Komuna e Obiliqit u përfaqësua nga nëntë (9) nxënës të shkollave tona, të cilët kanë kaluar me sukses fazat paraprake dhe u bënë pjesë e kësaj gare të rëndësishme:
Pesë (5) nxënës nga shkolla “Hasan Prishtina” – Milloshevë
(Enes Zeka, Eliza Krasniqi, Soreja Krasniqi, Fjona Thaçi dhe Edisa Miftari)
Dy (2) nxënës nga shkolla “Naim Frashëri” – Breznicë
(Finesa Gashi dhe Ermira Krasniqi)
Një (1) nxënës nga shkolla “Dr. Ibrahim Rugova” – Obiliq (Riola Bllaca)
Një (1) nxënës nga shkolla “Fazli Grajçevci” – Hade (Tuana Dedinca)
Kjo olimpiadë zhvillohet në katër faza, duke përfshirë fazën shkollore, komunale, atë në nivel vendi dhe finalen në Tiranë më 10 prill 2025. Nxënësit tanë dëshmuan përkushtim dhe dije të lartë në këtë garë që promovon njohuritë gjuhësore dhe identitetin kulturor.
Komuna e Obiliqit përgëzon të gjithë pjesëmarrësit dhe u uron suksese në vazhdimësi!
