Nënkryetari i komunes së Obiliqit, Ibush Mjekiqi, së bashku me Drejtoreshën e shkollës, SHFMU “Dr.Ibrahim Rugova”, Kryesuesen e Kuvendit Komunal, drejtor komunal, përfaqësuesit e institucioneve lokale, nxënës dhe qytetarë të shumtë, morë pjesë në programin festiv me rastin e festës së 28 Nëntorit – Dita e Flamurit Kombëtar dhe Ditën e SHFMU “Dr.Ibrahim Rugova”.
Nënkryetari Mjekiqi, në fjalën e tij, uroi të gjithë të pranishmeve festën e 28 Nëntorit po ashtu edhe Ditën e SHFMU “Dr.Ibrahim Rugova”, Dita e Flamurit Kombëtar është data më e ndritshme në të gjithë historinë tonë. Muaji nëntor është muaji i shqiptarisë, dhe shprehi urimet më të sinqerta, me rastin e këtyre dy festave.
Manifestimi vazhdoj me një program të pasuruar artistik të organizuar nën përkujdesjen e mësimdhënësve dhe nxënësve të shkollës “Dr.Ibrahim Rugova”.
Gëzuar festat e nëntorit – dita e Flamurit, dalja në publik e UÇK-së dhe ditëlindja e komandantit legjendar të UÇK-së, Adem Jashari!
Lavdi e përjetshme të rënëve për liri!
Lavdi Komandantit Legjendar Adem Jashari!
