I pranishëm në këtë ceremoni ishte Nënkryetari i Komunës së Obiliqit, njëherit U.d i Drejtorisë së Arsimit, z.Ibush Mjekiqi, Kryeshefi i Infrakos-it, z.Naser Krasniqi, Komandanti i SP-së në Obiliq, z.Zekrija Januzi, përfaqësues të KFOR-it, përfaqësues të Autoritetit Rregullativ të Hekurudhave të Kosovës, mësimdhënës dhe nxënës të klasëve VIII-IX dhe X-ta, të shkollave të komunës së Obiliqit.
Në hapjen e ceremonisë, Kryeshefi Ekzekutiv i Infrastrukturës së Hekurudhave të Kosovës me një fjaë rasti, falënderoi gjithë të pranishmit për pjesmarrjen e tyre, dhe me këtë rast falënderoi Komunën e Obiliqit për bashkëpunimin në fushatën senzibilizuese me qëllim të evitimit të rreziqeve në trafikun hekurudhorë!
Nënkryetari i Komunës së Obiliqit, njëherit U.d i Drejtorisë së Arsimit, z.Ibush Mjekiqi, në fjalën e tij, falënderoi të gjithë të pranishmit për pjesmarrjen e tyre në hapjen e fushatës vetëdijesuese, për senzibilizimin dhe ngritjen e vetëdijes tek fëmijët, duke theksuar se: “Komuna e Obliqit është e hapur të bashkëpunojë më autoritetet e Infrakos Sh.A për të vazhduar me fushatën edukative me qëllim të parandalimeve të rreziqeve në trafikun hekurudhorë në institucionet shkollore të Komunës së Obiliqit, po ashtu Komuna e Obiliqit është duke punuar vazhdimishtë në ngritjen e sigurisë jo vetëm për nxënësit por për të gjithë qytetarët pa dallim”.
Një fjalë rasti u dha edhe nga, Komandanti i SP-së në Obiliq, z.Zekrija Januzi, i cili në fjalën e tij, shprehi mbështetjen e Stacionit Policorë me qëllim të rritjes së sigurisë për të gjithë qytetarët.
Për të vazhduar me programin edukativ nga përfaqësuesi i Infrastrukturës së Hekurudhave të Kosovës.
