Në Komunën e Obiliqit u organizua një aksion humanitar për dhurimin e gjakut, me iniciativën dhe përkushtimin e Shoqatës së Kërkim-Shpëtimit, në bashkëpunim me stafin e transfuzionit të gjakut.
Ky aktivitet mblodhi një numër të konsiderueshëm qytetarësh, të cilët iu përgjigjën thirrjes për të ndihmuar në shpëtimin e jetëve, duke dhuruar gjak në një atmosferë solidariteti dhe humanizmi. Dhurimi i gjakut mbetet një akt i lartë qytetar dhe një kontribut i drejtpërdrejtë për sistemin shëndetësor dhe pacientët në nevojë.
Stafi i transfuzionit të gjakut siguroi mbarëvajtjen profesionale të procesit, duke garantuar standardet e nevojshme dhe sigurinë për të gjithë dhuruesit.
Komuna e Obiliqit shpreh mirënjohje të thellë për të gjithë dhuruesit, Shoqatën e Kërkim-Shpëtimit, si dhe stafin e transfuzionit për angazhimin dhe kontributin e tyre të çmuar në shërbim të komunitetit.
