Kryetari i Komunës së Obiliqit Xhafer Gashi, së bashku me anëtarët e Kuvendit Komunal, drejtorët ekzekutiv e bashkëpuntorë, për të nderuar të rënët për liri, bënë homazhe pranë Pllakës Përkujtimore të Dëshmorëve të Kombit, në Sheshin e qytetit, të cilët bashkuan pushkët e tyre me pushkën e Komandantit Legjendar Adem Jashari dhe në rresht me Ushtrinë Çlirimtare të Kosovës!
Për të vazhduar në Kozaricë, atje ku përuruan Pllakën e Ushtrisë Çlirimtare të Kosovës, tek shtëpia e Asllan Fazliut, e cila shërbeu si shtab i Ushtrisë Çlirimtare të Kosovës, Brigada 151 “Zahir Pajaziti”, zona operative Llap, Ulpiana 44. Pjesë e zbulimi të Pllakës, ishin edhe z.Fatmir Humolli-Baci, z.Osman Berisha-Bici, të dytë Komandant të luftës së UÇK-së, përfaqësues të Shoqatave të dalura nga lufta e UÇK-së, familjar e bashkëqytetarë.
Kjo Pllakë është ngritur, nën mbështetjen e donatorëve; QRT “Katana” dhe Agimi Company, të cilët i falënderoj për përkrahjen!
Gëzuar festat e Nëntorit!
