Kryetari i Komunës, z. Halil Thaçi, së bashku me Drejtoreshen e Arsimit, znj. Sevdie Berisha, pritën në takim z. Robert Blease, Zv. Udhëheqës i Projektit KosEd (KOSED).
Gjatë këtij takimi, përfaqësuesit e Projektit KOSED informuan udhëheqjen komunale rreth aktiviteteve dhe punës së realizuar deri më tani në komunë, si dhe u diskutuan mundësitë për bashkëpunim të mëtejmë me qëllim rritjen e ndikimit dhe përmirësimin e cilësisë së arsimit në komunë.
Takimi u zhvillua në një frymë konstruktive, ku u theksua rëndësia e bashkëpunimit ndërinstitucional dhe angazhimit të përbashkët për zhvillimin dhe avancimin e vazhdueshëm të sektorit të arsimit.
