Kryetari i Komunës së Obiliqit, Xhafer Gashi, së bashku me Drejtorin e DPUKP-së, Arben Berisha, kanë pritur në takim Kryetarin e “Dhomës së Tregtisë dhe Industrisë në Kosovë”, z.Skënder Krasniqi, Drejtoreshën e “Dhomës së Tregtisë së Industrisë në Kosovë”, znj.Zana Beqiri dhe 5 (pesë) përfaqësues të bizneseve të cilat janë të interesuara të sjellin investimet e tyre në Komunën e Obiliqit.
Në këtë takim, diskutuan për Zonën Industriale në Llazarevë, në të cilën këto biznese kanë shprehur interesimin që të marrin hapësirë në shfrytëzim për zhvillimin e bizneseve të tyre, kësisoj gjatë takimit ato kanë prezantuar edhe veprimtarinë e tyre, njëkohësisht kryetari Gashi i njoftoi për këtë zonë të bizneseve ku aktualisht operojnë 30 (tridhjetë) biznese.
Kryetari Gashi, në fund të takimit, falënderoi Kryetarin Krasniqi dhe përfaqësuesit e bizeneseve që kanë përzgjedhjen e Komunën e Obiliqit për të realizuar investimet e tyre.
