Kryetari i komunës së Obiliqit, Xhafer Gashi, së bashku me Drejtoreshën e DKRS-së, Arba Mirena, kanë mirëpritur në një takim përmbyllës të fundvitit, Komandanti e SP-së në Obiliq, z.Zekrija Januzi, Drejtoreshën e Gjimnazit “17 Shkurti” znj.Besa Gashi Dvorani, përfaqësues nga OJQ-të kulturore, sportive dhe rinore.
Në këtë takim, kanë ndarë letër falënderimi për akterët institucional dhe OJQ-të kulturore, sportive e rinore, për bashkëpunimin gjatë vitit 2023 në realizimin e projekteve e aktiviteteve në fushën e kulturës, rinisë e sportit për qytetarët e Obiliqit.
Kryetari Gashi theksoi se: “Në fushën e subvencionimit për këtë sektor, këtë vit kemi ndarë shumën prej 175 mijë euro, prandaj angazhimi dhe përkrahja jonë në çdo fushë nuk do të mungojë.”
Drejtoria për Kulturë, Rini dhe Sport, gjatë gjithë vitit ka realizuar aktivitete të shumta sportive, rekreative, rinore e kulturore, të mirëpritura dhe të vlerësuara nga qytetarët, ky përkushtim vazhdon të mbetet po i njëjti edhe në vitin 2024!
Kryetari Gashi shprehi falënderim dhe mirënjohje! Mbarësi dhe suksese për të gjithë në vitin që po vjen!
