Nën partonatin e kryetarit të Komunës së Obiliqit, Xhafer Gashi dhe nën përkujdesjen e Drejtorisë për Kulturë, Rini dhe Sport, është mbajtur manifestimin Qendror në Shtëpinë e Kulturës “Xhavit Haziri”, nën prezencën e familjarve të Dëshmorëve e Martirëve të lirisë, përfaqësuesit e institucioneve lokale dhe qytetarëve të shumtë.
Kryetari i Komunës së Obiliqit, Xhafer Gashi, në fjalën e tij, ka uriat të gjithë të pranishmit festën e 28 Nëntorit, duke bërë thirrje që të jemi të bashkuar ashtu siç i ka hije populli shqiptar, drejtë realizimit të aspiratave dhe synimeve tona të përbashkëta, ndër tjerash theksoi se: “përpjekjet për liri e shtetndërtim janë vlerë që duhet të ruhen dhe kultivohen në shenjë respekti për paraardhësit tanë, për të tashmen dhe të ardhmen që po na pret, liria që sot e gëzojmë nuk na është falur, ajo është paguar me gjakun e burrave e grave më të mirë të këtij vendi.”
Manifestimi vazhdoj me një program të pasuruar artistik i organizuar si zakonisht nën përkujdesjen e Drejtorisë për Kulturë, Rini dhe Sport, në bashkëpunim me Ansamblin e Këngëve dhe Valleve “AKV Qyteti i Obiliqit” nën tingujt e bukur të këngës e valleve me motive të festës së 28 Nëntorit, e përcjellur me monologun nga e vogla Anisa Shala, si dhe duke na nderuar me prezencën djemtë e Dëshmorit të Kombit Beqir Gashi – Shpetim dhe Ismet Gashi, artistja nga mërgata Hajrije Preniqi, Vesad Mjeku e Luan Zogiani.
Kryetari Gashi, falënderoi për prezencën bashkëqytetarët e nderuar!
Gëzuar festat e nëntorit – dita e Flamurit, dalja në publik e UÇK-së dhe ditëlindja e komandantit legjendar të UÇK-së, Adem Jashari!
Lavdi e përjetshme të rënëve për liri!
Lavdi Komandantit Legjendar Adem Jashari!
