Nën patronatin e Kryetarit të Komunës së Obiliqit, Xhafer Gashi, nën përkujdesjen e Drejtorisë për Kulturë, Rini dhe Sport, festën e madhe të Pavarësisë- 17 Shkurtin, Komuna e Obiliqit e ka shënuar me aktivitete kulturore-artistike, të përgaditura për këtë ditë të madhe.
Festa ka filluar me manifestimin qendror të mbajtur në Shtëpinë e Kulturës “Xhavit Haziri”, i përcjellur me poezi, monolog e këngë të interpretuara nga nxënësit e Gjimnazit “17 Shkurti” për të vazhduar me kolazh vallesh nga Ansambli i Qytetit.
Shtëpia e Kulturës “Xhavit Haziri”, u bë nikoqire e koncertit festiv të Ansambleve shtetërore nga Kosova e Shqipëria; Ansamblit Kombëtar i Këngëve dhe Valleve “Shota” si dhe Ansamblit Kombëtar të Këngëve dhe Valleve Popullore të Shqipërisë, ku ky koncert mblodhi gjithë trevat shqiptare në Obiliq, duke na nderuar me prezencën e tyre; Gjeneral Lulzim Adem Jashari, Ministri i MKRS-së z.Hajrullah Çeku, Ambasadori i Shqipërisë z.Petrit Malaj, Nënkryetari i Komunës së Ulqinit z.Sabri Sallaj, përfaqësues të familjeve të veprimtarve të shquar në etapa të ndryshme të historisë, përfaqësues të artit e kulturës nga Shqipëria dhe Mali i Zi.
Për këtë ditë që u flijuan breza të tërë, poezia, kënga e vallja gjithmonë do jehojë!
Falënderim për bashkëpunimin AKKV “Shota”, AKKVPSH, Ansambli i Qytetit dhe Gjimnazi “17 Shkurti”!
Gëzuar 16 vjet shtet
!
!
