Kryetari i komunës së Obiliqit, Xhafer Gashi,
mori pjesë në ceremonin e nënshkrimit të Grantit të Performancës Komunale (GPK-së), së bashku me Ministrin e MAPL-së,z.Elbert Krasniqi dhe donatorët, ku si rezultat i përkushtimit dhe performancës së mirë që është treguar në qeverisjen komunale, Komuna e Obiliqit është përfituese e Grantit të Performancës Komunale në vlerë prej 707,119.98 euro, ky grant financohet nga MAPL-ja, Zyra Zvicerane për Zhvillim dhe Bashkëpunim,Suedia dhe Norvegjia.
Sipas rezultateve të këtyre vlerësimeve për vitin 2022, Komuna e Obiliqit renditet komuna e dytë (2) në nivel vendi për transparencë e llogaridhënie në shërbim të qytetarëve.
Kryetari Gashi, me këtë rast ka shprehur falënderimin e tij për Ministrinë e Administrimit dhe Pushtetit Lokal, donatorët e Grantit të Performancës, ekzekutivin, koordinatorin, zyrtarët komunal dhe qytetarët e Obiliqit për bashkëpunimin e vazhdueshëm në përmirësimin e kushteve dhe standardeve të jetesës!
