Kryetari i Komunës së Obiliqit, Halil Thaçi, së bashku me Nënkryetarin Berat Gashi dhe Drejtorin e Drejtorisë së Infrastrukturës Lokale, Naim Shalaku, kanë inspektuar punimet e realizuara në rrugën “Hasan Prishtina”.
Gjatë inspektimit, Kryetari Thaçi ka dhënë vërejtjet e tij ndaj operatorit ekonomik përgjegjës për realizimin e punimeve në rrugë dhe në shtigjet e biçikletave, duke kërkuar përmirësimin e cilësisë dhe respektimin e standardeve të parapara.
Ai theksoi se Komuna do të vazhdojë mbikëqyrjen e projekteve infrastrukturore, me qëllim që punimet të realizohen në shërbim të qytetarëve dhe në përputhje me standardet teknike.
