U organizua turniri i kikboksit për nder të Pavarësisë.
Klubi i Kikboksit “Fight Club Arbëri”, në bashkëpunim me Federatën e Kikboksit të Kosovës, organizoi turnirin e kikboksit për nder të Pavarësisë.
Ky aktivitet sportiv mblodhi sportistë nga klube të ndryshme, duke promovuar garën e ndershme, disiplinën dhe frymën sportive. Turniri u zhvillua në një atmosferë festive dhe me pjesëmarrje të gjerë të sportdashësve.
Me këtë rast, Federata e Kikboksit e Kosovës ndau mirënjohje për Kryetarin e Komunës, z. Halil Thaqi, për mbështetjen e vazhdueshme ndaj sportit dhe përkrahjen në organizimin e aktiviteteve sportive në komunë.
Komuna përgëzon organizatorët dhe të gjithë garuesit për angazhimin dhe suksesin e treguar, duke mbështetur iniciativa që kontribuojnë në zhvillimin e sportit dhe në fuqizimin e rinisë.
