Nën atmosferën e mrekullueshme të krijuar mbrëmjen e kaluar dhe nën përkujdesjen e Drejtorisë për Kulturë, Rini dhe Sport, u zhvillua nata e dytë e Koncertit “Me zemër për ju”.
Mbrëmja vazhdoi me tinguj të muzikës nga zhanre të ndryshme, duke krijuar një atmosferë të veçantë, përmes performancave të DJ Kronz, Grupit Toxic Record, DJ Flip, Drenzo, Gold AG, Young Arti, Lorfi dhe Adelina Berisha, të cilët ndriçuan qytetin e Obiliqit me energjinë dhe talentin e tyre.
Kryetari i Komunës së Obiliqit, z. Xhafer Gashi në mënyrë të veçantë, falënderoi Drejtorinë për Kulturë, Rini dhe Sport për organizimin e këtij koncerti, kompaninë AMC për sigurimin e skenës, monitorëve dhe sistemit të zërimit, si dhe të gjithë artistët që performuan gjatë dy netëve, duke ofruar një atmosferë të jashtëzakonshme. Po ashtu, falënderoi qytetarët për pjesëmarrjen dhe mbështetjen e tyre.
Kryetari Gashi gjithashtu uroi mirëseardhje dhe qëndrim të këndshëm për bashkëatdhetarët që vizituan Obiliqin nga vende të ndryshme, duke shpresuar që këto momente të bukura të mbeten në zemrat e tyre, gjithashtu u dëshiron udhëtim të mbarë në kthimin e tyre dhe suksese në çdo hap që ndërmarrin.
