Sot, Nënkryetari i Komunës së Obiliqit, z. Berat Gashi, së bashku me Drejtorin e Mjedisit, z. Rinor Kurteshi, dhe znj. Arlinda Rushaj, menaxhere e projekteve në UNDP, kanë zhvilluar një takim pune.
Gjatë takimit u diskutuan projektet aktuale dhe ato në planifikim, si dhe u shqyrtuan mundësitë e thellimit të bashkëpunimit ndërmjet Komunës së Obiliqit dhe UNDP-së.
Fokusi i diskutimeve ishte në përmirësimin e shërbimeve komunale dhe promovimin e zhvillimit të qëndrueshëm në komunë.
Palët shprehën gatishmërinë për bashkëpunim të vazhdueshëm në funksion të realizimit të projekteve me ndikim pozitiv për qytetarët e Komunës së Obiliqit.
