Kryetari i Komunës së Obiliqit, Xhafer Gashi, ka themeluar Komisionin Komunal për shqyrtimin dhe trajtimin e dëmeve të shkaktuara nga aktivitetet e Korporatës Energjetike të Kosovës (KEK) në territorin e Komunës së Obiliqit.
Ky komision do të ketë për detyrë:
Të analizojë dëmet e shkaktuara ndër vite,
Të evidentojë gjendjen aktuale në zonat e prekura,
Të mbledhë dokumentacionin dhe provat relevante,
Dhe të përgatisë një raport të detajuar që do të dorëzohet për shqyrtim dhe miratim në Kuvendin Komunal.
Pas miratimit të raportit në Kuvend, do të ndërmerren të gjitha veprimet e nevojshme në përputhje me ligjin.
Kryetari Gashi ka theksuar se:”mbetet i përkushtuar në mbrojtjen e ambientit, shëndetit publik dhe interesit të përgjithshëm të komunës sonë.Do të jeni të informuar rregullisht për çdo hap të këtij procesi.”
