Nënkryetari i Komunës së Obiliqit, Ibush Mjekiqi, së bashku me Shefin e Kabinetit, Burim Gërgurin, kanë pritur në takim lamtumirës Komandantin e KFOR-it, LMT Jerome Fietz, i cili përfundon misionin e tij në komunën tonë.
Me këtë rast, Nënkryetari Mjekiqi e falënderoi për bashkëpunimin dhe angazhimin në monitorimin e sigurisë, duke theksuar se prania e KFOR-it ndikon drejtpërdrejt në ruajtjen e paqes dhe stabilitetit. Ai gjithashtu theksoi se “Kosova përgjithmonë do të jetë shtëpia e tyre.”
Gjithashtu, me këtë rast u takua edhe me njësinë e re të KFOR-it, të udhëhequr nga Toger Bruno Paunoiu, Zëvendëskomandant i njësisë, të cilëve u uroi mirëseardhje.
Nënkryetari Mjekiqi, gjatë takimit, i njoftoi përfaqësuesit e KFOR-it për zhvillimin e projekteve, duke theksuar përkushtimin e komunës në krijimin e një mirëqenieje më të mirë për të gjithë qytetarët, pa dallim.
Me këtë rast, Nënkryetari Mjekiqi ka pranuar një dhuratë simbolike nga Komandanti i KFOR-it, LMT Jerome Fietz. Gjithashtu, në shenjë simbolike, Nënkryetari Mjekiqi i ka dhuruar Komandantit Fietz “Kokën Antropomorfe të Ritualit të Besimit Ilir”, një artefakt i Periudhës Antike, i zbuluar në fshatin Dardhishtë të Obiliqit në vitin 2012.
Në fund të takimit, u dakordua që bashkëpunimi dhe koordinimi me KFOR-in do të vazhdojë plotësisht në shërbim të qytetarëve të Obiliqit!
