Në sallën e Kuvendit Komunal në Obiliq, sot është mbajtur dëgjimi i dytë buxhetor për Kornizën Afatmesme Buxhetore (KAB) 2026–2028.
I pranishëm në këtë dëgjim buxhetor ishte Nënkryetari i Komunës së Obiliqit, z. Ibush Mjekiqi, Drejtoresha e DEFZH-së, znj. Zarife Behluli, drejtorë të komunës, zyrtarë komunalë, përfaqësues të OJQ-ve dhe qytetarë.
Nënkryetari Mjekiqi, para të pranishmëve prezantoi buxhetin për periudhën 2026–2028 dhe njoftoi qytetarët rreth zhvillimit të projekteve në Komunën e Obiliqit, duke theksuar rëndësinë e planifikimit të përbashkët dhe përfshirjes së komunitetit në vendimmarrje.
Nënkryetari Mjekiqi, falënderoi zyrtarët komunalë dhe qytetarët për kontributin dhe angazhimin e dhënë në përmbushjen e synimeve dhe objektivave të përbashkëta.
