Kryetari i Komunës së Obiliqit, z. Xhafer Gashi, së bashku me Drejtoreshën e DSHMS-së, znj. Brikenda Pllana Mehani, dhe Drejtorin e QKMF-së, z. Haki Jashari, pritën në një takim përfaqësuesit e Kompanisë “Medika”, z. Arbër Merovci dhe z. Ardian Ukelli.
Në këtë takim nënshkruan Memorandumin e Mirëkuptimit ndërmjet Komunës së Obiliqit dhe Kompanisë “Medika”, përmes të cilit Komuna jonë do të pranojë si donacion një mamograf digjital.
Ky donacion ka një rëndësi të veçantë për përmirësimin e shërbimeve shëndetësore, me fokus në parandalimin dhe diagnostikimin e hershëm të kancerit të gjirit tek gratë e komunës sonë.
Kryetari Gashi falënderoi kompaninë “Medika” për bashkëpunimin dhe përkushtimin e treguar për shëndetin e qytetarëve tanë!
