Kryetari i Komunës së Obiliqit, z.Xhafer Gashi, mori pjesë në konferencën e organizuar në kuadër të Grantit për Performancën Komunale, ku ishte pjesë e panelit me temën: “Menaxhimi i fondeve të grantit- Shpërndarja e investimeve në lokalitetet”. Në këtë konferencë, ndau përvojat mbi mënyrën se si janë menaxhuar fondet e grantit për të realizuar projekte të rëndësishme për qytetarët tanë, me fokus të veçantë në barazinë territoriale dhe përfshirjen e të gjitha lagjeve dhe fshatrave të Komunës së Obiliqit.
Kryetari Gashi theksoi se: “Përvoja jonë në Komunën e Obiliqit tregon se përkushtimi ndaj transparencës dhe efikasitetit në përdorimin e fondeve sjell rezultate konkrete dhe të prekshme për komunitetin.”
Kryetari Gashi falënderoi organizatorët, DEMOS-in dhe partnerët ndërkombëtarë për mbështetjen e vazhdueshme, veçanërisht ambasadën e shtetit të Zvicrës dhe Suedisë për kontributin e tyre të çmuar në përmirësimin e qeverisjes lokale dhe zhvillimin e komunave.
