Kryetari i Komunës së Obiliqit, Xhafer Gashi, së bashku me Kryesuesen e Kuvendit Komunal, Vlora Mjekiqi Kabashi, në sallën e Kuvendit kanë mirëpritur nxënësit e klasës së VIII nga SHFMU “Pandeli Sotiri”, të shoqëruar nga mësimdhënësja Nora Preniqi Mjekiqi. Gjatë takimit, diskutuan rreth temave dhe kërkesave që lidhen me ta, si dhe nxënësit u njoftuan për funksionimin e Kuvendit dhe ekzekutivit komunal.
Kryetari Gashi, gjatë këtij takimi, theksoi se bashkëbisedimi me nxënësit është gjithmonë i mirëpritur, pasi e gjithë puna dhe përkushtimi janë të fokusuar në krijimin e një të tashmeje dhe të ardhmeje të sigurt. Shumë projekte janë në proces realizimi, por ka gjithmonë nevojë edhe për ide të reja nga ata që do ta trashëgojnë të ardhmen!
Kryetari Gashi falënderoi për vizitën nxënësit dhe mësimdhënësen Nora Preniqi Mjekiqi, duke u uruar shumë suksese në rrugëtimin e dijes!
