Homazhet përkujtimore u zhvilluan sot me respekt të thellë dhe solemnitet, për familjet e dëshmorëve Rama, Halimi, Merlaku, Haliti dhe Morina.
Në këtë ceremoni mori pjesë nënkryetari i Komunës së Obiliqit Berat Gashi , së bashku me asamblistë të Kuvendit Komunal dhe drejtorë të drejtorive komunale.
Homazhet u ndoqën gjithashtu nga Kryetari i Komunës së Prishtinës, Përparim Rama dhe deputeti Valon Ramadani , duke i dhënë ceremonisë një dimension institucional.
Ky aktivitet përkujtimor shërben si një dëshmi e respektit institucional dhe qytetar për sakrificën e të rënëve, duke theksuar rëndësinë e kujtesës së tyre për brezat e ardhshëm dhe forcimin e vlerave qytetare në komunitet.
