Drejtori i Drejtorisë së Infrastrukturës në Komunën e Obiliqit, Naim Shalaku, ka dalë në terren për të parë nga afër vazhdimin e punimeve në rrugën “Mazgit – Ferid Curri”, ku po realizohet asfaltimi në kuadër të projektit të koogjenerimit.
Punimet në këtë segment rrugor janë duke vazhduar me qëllim përmirësimin e infrastrukturës dhe lehtësimin e qarkullimit për banorët e zonës.
Po ashtu, gjatë këtyre punimeve është bërë edhe sanimi, përkatësisht mbyllja e gropave në rrugën pranë çerdhes Rita jonë, për të përmirësuar kushtet e qarkullimit dhe sigurinë për qytetarët.
Punimet pritet të vazhdojnë edhe në ditët në vijim deri në përfundimin e plotë të tyre.
