Me rastin e 12 Gushtit – Ditës Ndërkombëtare të Rinisë, Drejtoria për Kulturë, Rini dhe Sport, në bashkëpunim me Qendrën Rinore në Obiliq, organizuan aktivitetin “Hapësirat që na bashkojnë”, në sheshin “Dëshmorët e Kombit” në Obiliq.
Në aktivitet morën pjesë Nënkryetari i Komunës së Obiliqit, Berat Gashi, Drejtoresha për Kulturë, Rini dhe Sport, Ilire Kelmendi Shema, si dhe Drejtoresha e Arsimit, Sevdije Berisha .
Gjatë aktivitetit, të rinjtë dhe fëmijët u përfshinë në lojëra dhe aktivitete rekreative, pikturë, si dhe në “Community Mapping – Hapësirat që na bashkojnë”, duke kontribuar përmes ideve dhe kreativitetit të tyre në krijimin e një atmosfere të përbashkët komunitare.
Aktiviteti kishte për qëllim të promovojë pjesëmarrjen aktive të të rinjve, bashkëpunimin, kreativitetin dhe krijimin e hapësirave që i afrojnë dhe i bashkojnë qytetarët.
