Sot, më 14 Qershor, në kuadër të shënimit të 27-vjetorit të Çlirimit të Komunës së Obiliqit, në ambientet e Stadiumit “Agron Rama” u mbajt turneu simbolik i veteranëve, në një atmosferë miqësore, sportive dhe plot emocione.
Kishim kënaqësinë të mirëprisnim ekipet pjesëmarrëse: Dobraja, KF Arbëria Veteran, FC Barileva Veteran, KF Obiliqi Veteran dhe ekipin e Administratës së Komunës së Obiliqit.
Pas ndeshjeve të zhvilluara me shumë korrektësi dhe frymë sportive, fituese e këtij turneu u shpall ekipa e Komunës sonë të Obiliqit.
Faleminderit të gjithë pjesëmarrësve që u bënë pjesë e këtij organizimi dhe kontribuuan që përmes sportit të nderojmë këtë datë të rëndësishme për qytetin tonë. Në këtë 14 Qershor, kujtojmë me krenari dhe mirënjohje të gjithë ata që sakrifikuan për lirinë dhe të ardhmen tonë.
Urime 27-vjetori i Çlirimit të Komunës së Obiliqit! Lavdi dëshmorëve të kombit dhe respekt i përhershëm për të gjithë kontribuuesit e lirisë sonë.
