Kryetari i Komunës së Obiliqit, z. Halil Thaçi, së bashku me stafin e tij dhe Kryesuesin e Kuvendit Komunal, priti në takim Gjeneral Brigade Federico Colina, Zëvendëskomandant i KFOR-it, si dhe Kapitenin Peter Imhof nga LMT zvicerane.
Në këtë takim, Kryetari Thaçi e njoftoi Zëvendëskomandantin e KFOR-it, z. Colina, për projektet e Komunës, sfidat me të cilat po përballet, si dhe për gjendjen e sigurisë, e cila vlerësohet të jetë stabile në Komunën e Obiliqit.
Nga ana tjetër, Zëvendëskomandanti i KFOR-it, z. Federico Colina, e përgëzoi Kryetarin Thaçi për punën dhe projektet që janë duke u realizuar në komunë.
Gjatë takimit u shkëmbyen edhe dhurata simbolike, ndërsa të dy palët u dakorduan për vazhdimin e bashkëpunimit, me qëllim ruajtjen e një ambienti të qetë dhe të sigurt për qytetarët e Obiliqit.
