Nënkryetari i Komunës së Obiliqit, Berat Gashi, ka vizituar Shkollën Fillore “Ibrahim Rugova” në Mazgit, ku donatori Valbon Stullqaku ka dhuruar 30 pisha për oborrin e kësaj shkolle.
Ky donacion është mirëpritur nga nxënësit dhe stafi i shkollës, pasi do të ndikojë edhe në gjelbërimin dhe përmirësimin e ambientit të shkollës. Me këtë rast, nxënësit dhe përfaqësuesit e komunës shprehën falënderim për donatorin për kontributin e dhënë.
Gjithashtu, falënderim i veçantë shkon edhe për NPL “Kastrioti”, e cila është angazhuar në mbjelljen dhe mirëmbajtjen e këtyre pishave.
