Ekipet emergjente të Komunës së Obiliqit janë në terren dhe po punojnë intensivisht për sanimin e situatës së krijuar si pasojë e reshjeve dhe vërshimeve. Aktualisht po zhvillohen ndërhyrje me mjete të rënda për largimin e ujit, pastrimin e rrugëve dhe stabilizimin e infrastrukturës së dëmtuar, me qëllim rikthimin e normalitetit sa më parë.
Lusim qytetarët që të tregojnë kujdes të shtuar gjatë qarkullimit, të shmangin zonat e rrezikuara dhe të respektojnë udhëzimet e institucioneve përkatëse deri në përmirësimin e plotë të situatës.
