Kryetari i Komunës së Obiliqit, Halil Thaçi, priti sot në takim Kryeshefin Ekzekutiv në detyrë të Korporatës Energjetike të Kosovës (KEK), z. Gramos Hashani.
Gjatë takimit, z. Hashani e uroi Kryetarin Thaçi për mandatin e fituar katërvjeçar në udhëheqjen e Komunës së Obiliqit dhe e njoftoi atë për projektet që KEK-u është duke i zhvilluar.
Ai theksoi veçanërisht projektin e parkut solar, i cili pritet të rrisë kapacitetin energjetik për 100 megavat, si dhe projekte të tjera me rëndësi që po realizohen në Komunën e Obiliqit.
Nga ana tjetër, Kryetari Thaçi e falënderoi z. Hashani për punën që KEK-u po bën në të mirë të qytetarëve të Komunës së Obiliqit dhe shprehu gatishmërinë për bashkëpunim të mëtejmë ndërmjet Komunës dhe KEK-ut në realizimin e projekteve të përbashkëta.
