Sot në Mazgit të Ulët është zhvilluar procesi i votimit të projekteve në kuadër të buxhetimit me pjesëmarrje. Banorët e fshatit Mazgit i Ulët, fillimisht nga Shefi i Kabinetit, z. Burim Gërguri, janë informuar rreth mundësive për realizimin e katër (4) projekteve të propozuara më datë 23.07.2025.
Banorët e Mazgitit të Ulët, në mënyrë demokratike dhe me të gjitha votat, kanë votuar për projektin: “Mirëmbajtja e ndriçimit publik”, duke dëshmuar kështu frymën e bashkëpunimit në të mirë të komunitetit.
Shefi i Kabinetit, z. Burim Gërguri, falënderoi të gjithë të pranishmit për pjesëmarrjen e tyre, duke theksuar se qëllimi i këtij procesi është ofrimi i mundësisë për përfshirjen e qytetarëve në procesin e vendimmarrjes.
