Drejtori i Drejtorisë për Shërbime Publike dhe Emergjenca, Naim Miftari, ka mbajtur një takim me Armend Avdiun, Drejtor Teknik në KUR “Prishtina”, Zogë Spahiun, përfaqësues nga Autoriteti Rregullativ për Shërbime të Ujit, dhe Gazmend Bytyqin, Menaxher i Njësisë së KUR “Prishtina” në Obiliq.
Tema kryesore e diskutimit ishte furnizimi me ujë të pijshëm për fshatrat Hade, Siboc, Mazgit, Milloshevë, Bakshi, Raskovë dhe Babimoc.
Me këtë rast, përfaqësuesit e KUR “Prishtina” dhanë zotimin se brenda një periudhe shumë të shkurtër do të gjendet një zgjidhje teknike për furnizimin me ujë të pijshëm të këtyre fshatrave, në mënyrë që banorëve t’iu sigurohen kushtet elementare për jetesë dhe mirëqenie.
