Shkolla Fillore e Mesme e Ulët “Hasan Prishtina”, ka shënuar ditën e shkollës. Të pranishëm në këtë manifestim ishin: Nënkryetari i Komunës së Obiliqit, njëherit U.d i Drejtorisë së Arsimit, z.Ibush Mjekiqi së bashku me bashkëpuntorë, ku u mirëpritën nga drejtori z.Naser Abazi, stafi arsimor, nxënësit dhe prindërit.
Nënkryetari i Komunës së Obiliqit, njëherit U.d i Drejtorisë së Arsimit, z.Ibush Mjekiqi në fjalën e tij, shprehi mirënjohjen për kontributin e mësimdhënësëve ndër vite, kontributi i tyre është i shenjtë.Personelit arsimor të SHFMU “Hasan Prishtina”, nxënësëve dhe prindërve, ju uroi Ditën e Shkollës, dhe si institucion komunal ju garantoi se bashkëpunim në përmbushjen e synimeve të përbashkëta do të jetë i vazhdueshëm.
Me këtë rast u mbajt edhe programi artistik, i përgaditur nga nxënësit dhe mësimdhënësit e shkollës.Pas programit artistik mysafirët vizituan ekspozitën me punimet e nxënësve piktorë të shkollës, organizuar nga arsimtarja e Artit Figurativ.
Urime Dita e Shkollës!
