Komuna e Obiliqit vazhdon me ligjerata vetëdijesuese për muajin Tetor-muajin rozë edhe në viset rurale

Kryesuesja e Grupit të Grave, në bashkëpunim me Zyrtaren për Barazi Gjinore, Drejtoresha për Shëndetësi dhe Mirëqenie Sociale, me rastin e muajit Tetor-muajit rozë, kanë organizuar ligjëratë vetdijesuese ndaj kancerit të gjirit me gratë e viseve rurale.

Kryesuesja e Grupit të Grave, Vlora Mjekiqi Kabashi, në fjalës e saj falënderoi të gjitha gratë pjesëmarrëse në këtë takim, arsyja pse kemi vendos të realizojmë ligjeratë vetëdijesuese në zonat rurale,duke u shprehur se: “Ndërgjegjësimi është fuqi. Në këtë muaj ndryshe i njohur si Tetori rozë, muaji i sensibilizimit dhe ndërgjegjësimit mbi Kancerin e Gjirit, andaj le të jemi të gjjthë së bashku në mbështetje të grave,vajzave,motrave të cilat janë diagnostifikuar dhe janë duke luftuar me këtë sëmundje, po ashtu përkrahja e institucionit komunal do jenë të vazhdueshme në avancimin e shërbimeve shëndetësore dhe subvencionimin e personave të prekur nga sëmundje të ndryshme e në theks të veçantë për sëmundjet kancezore dhe llojet e tij.

Doktoreshat e QKMF-së, kanë mbajtur ligjëratën vetdijësuese, se si gratë duhet të veprojnë në raport me parandalimin dhe luftimin e kancerit.

Duke lehtësuar qasjen në shërbimet e mamografisë, gratë e Komunës së Obiliqit, do të gëzojnë qasje pa asnjë kompensim në këtë shërbim për të adresuar një çështje kaq të rëndësishme për shëndetin, prandaj inkurajoheni që të shfrytëzoni këtë mundësi dhe të kujdeseni për shëndetin tuaj!

Terminet mund të caktohen përmes këtij numri çdo ditë pune prej orës 07:00-13:00, në numrin e telefonit 038-221-924.

Po ashtu, gjatë këtij takimi të pranishmet nga doktoreshat e QKMF-së u informuan se Komiteti Profesional Keshillues per Imunizim(KPKI) në Kosovë bazuar në rekomandimet e OBSH-së ka rekomanduar që vaksina HPV-vaksina kundër kancerit të qafes së mitres do t’u jepet vajzave 12-13 vjet.

Andaj, ta parandalosh është më mirë sesa ta kurosh-zbulimi i hershëm shpëton jetë!