Sot është mbajtur ceremonia e pranimit/dorëzimit të pajisjes së Autofshisës, në kuadër të projektit “Granti i Përformancës për Mjedis të Pastër”, ku falë rezultateve të suksesshme në mjedis nga aktivitetet e Drejtorisë së Mjedisit, Komuna e Obiliqit, është përfituese e një Autofshise për pastrimin dhe mirëmbajtjen e rrugëve.
Në ceremoninë e ndarjes së këtij granti mori pjesë nënkryetari i komunës së Obiliqit, Ibush Mjekiqi, së bashku me Drejtoreshën e Drejtorisë për Mbrojtje të Mjedisit, Fitore Hashani dhe U.d Kryeshefin e NPL “Kastrioti SH.A”, Flakron Mjekiqi.
Me rastin e pranimit të Autofshisës, Nënkryetari Ibush Mjekiqi, ka falënderuar për bashkëpunim GIZ dhe Ministrin e Mjedisit, Planifikimit Hapsinor dhe Infrastrukturës, për vlerësimin dhe bashkëpunimin, duke theksuar se “komuna jonë do të mbetet e përkushtuar në mbrojtjen e mjedisit dhe në ofrimin e shërbimeve sa më të mira për qytetarët”
Vlen të potencohet se vlera e Autofshisës është gjithsej 73,516.36 euro.
